ලන්ඩන් හිම

පාළු මාවත් වසා වැටුණ හිම

වැතිර අතු මත,

ධවල පළසක විලස

ඝන වායු පටල,

හිම සිසාරා තල්ලු කර පසකට

හිරු රැස සුදු-පබුළු දිදුළුවා

කවුළු කෙළවර සිට තට්ටු කරයි

හිම දහරෙන් සීත වූ නුවර,

පාළු වීදී, ගුලි ගැසුණු විහගුන්

සෙමින් ඇදෙන වාහන

හිමහි මතෙන් වෙරි වී

ඒ මේ අත වැනෙන ජනයා

හුස්ම හිර කරන ශිත වායු කදම්භ

පාද ‍ශීතෙන් මිරිකා

ඇඟිලි හිරිවට්ටා

පපුව හිර කර

මුහුණ රළු කොට

ඇස් බොඳ කරවයි

වැදී මෘදු හිමෙන්

සුළ‍ඟේ පාවෙන්නට තනා

පහළ ට වැටෙන හිම

අතු පුරා, ගස් වසා

පොළොව පිට වැටී,

තණ වතු පිටි සුදෙන් වසාලයි

මරණය...

ජීවතුන්ගේ ලොව වසන ලෙද

ඉතිර පැතිර ධවල සුද

දෙදිනකඳු පවැත

හිරු රැසින් දිය ව

වතුර දී, ගලා ගොස්

වියැකේ. . .

[මෙහි "වසන" යන ක්‍රියා පදය "වැසීම" සහ "වාසය කිරීම" යන අරුත් දෙකින් ම යොදා ඇත]