• ලොව පැරණිතම මත්කාරකය: බලකාමය - බලකාමය යනු ලොව පැරණිතම මත්කාරකය යි. ඉතිහාසය තුළ බලකාමයෙන් මත් වී රටවල්, ජනතාවන්, ජාතින් බුරුතු පිටින් විනාශ කිරීම සිදු වි ය. තිසරානී ගුණසේකර විසින් ලීයූ ...
    5 years ago

මිලින වූ දෙව් කුසුම


දේවගැති ක්‍රිසන්ත තිලකරත්නයන් (1955-2016) ලක් කිතු සසුනට කළ මෙහෙවර ඉතාමත් අනඟි බවනී ය. එතුමා විසින් නිර්මාණය කොට ක්‍රියාවට නැං වූ "කිරි පැණි" සම්මන්ත්‍රණ තුළින් විවාහ ජීවිතය සාර්ථක කර ගැනීමේ ප්‍රායෝගික පියවර කියා දුන්නේ ය.  වෙනත් නිදහස් දේවගැති වරුන් රාශියක් එක් කොට ඔවුන් ගේ ප්‍රශ්න හඬ නැගීමට අවස්ථාවන් සකසා දුන්නේ ය. වැලිවේරිය දේව සභාවේ පුරෝගාමී හා ජේෂ්ට දේවගැතිවරයා වශයෙන් කටයුතු කොට, සේවාවන් රාශියක් ආරම්භ කොට පවත්වා ගෙන ගියේ ය. එතුමා ගේ සේවය පිළිබඳ සිහි කිරීමක් මෙසේ සටහන් කොට තබමි෴

සුපිපි මලකි ඔබ, ගොහොරු කළු වලක
දෙව්ලෝ මිහිර පතුරා, සුවඳ දී දී සැලෙන
දෙව් මෙහෙවරේ, සගයෙකි සමයෙක් නැති
"කිරි පැණි" සේ විවාදිවි, රස කොට,
පහදා ලදු කැලෑ, පිරිපුන් කොට යා යුතු මාවත්
කරුණා දෑසින්, මුව කැළුම පා,
ඔවදනින්, කියා දී හොඳ නරක

පතාක යෝධයකි ඔබ, අඟුටුමියින් සමඟ
තේජස්, කිත් රැස් විහිදා
පෙරටු කොට සේනා
"අපට හරියයි" කියා
"ඉදිරයට හා පෙරටුවට" යමින්
සතුරු රැණ වනසා, විජයට බට

පියෙකි ඔබ, අනාථයන් අතර
දරුවන් තිදෙනෙකු නො ව,
දුවා දරුවන් දහසකට
සෙවනැල්ල හෙළා
වෙනසක් නොකොට සැලකූ

වනස්පතියෙකි ඔබ, නදුන් වනයක
බඩ කට පුරවා, සැඟ වී අතු අග
විහගුන්, වන මෘග සරතැස නිවන
දහසකුත් දෙනට සහන වූ, ඔබ

ඇත්තේ එක් පැතුමකි, අපට
රුස්ස ගස් හෙළා වැටෙන කල
පැලගස් පාමුල, නැඟී වැඩෙත්

කිමද සුවඳැති මල්
මෙතරම් විගහින් පරවන්නේ;

නිම කොට වෙහෙස මෙලොවේ. . . 

1 comment:

  1. කිමද සුවඳැති මල්
    මෙතරම් විගහින් පරවන්නේ...

    සොබාදහමට නොවන අවනත ලොවෙ කිසිවක් නැහැ...
    ලොවෙ පැරදුම මිසක කිසිදා ලැබු දිනුමක් නැහැ... :)

    ReplyDelete