එළූ දැලට
අසු වූ ගොදුරු
ඇද හනික
විද යටි බඩට
උරා බී රීරි මාංසයෙන්
හප කොට විසි කළ
නුඹයි ඒ පුදලත්. . .
බැති සිතින් ඇදුණු
සියක් කතුන්
නොදත් ගණනක් ද තව
කෙලෙසූ පියාණ ඇසිපියා
නුඹයි ඒ ගරුතර. . .
එක ම දිනක
මවකඳු දියණියක
කෙලෙසා ලා එකවිට
සුපසන් වෙස් අරා
දෙන අසරි සත් හට
නුඹයි ඒ සුදහත්. . .
නීතිය ලුහුබදින විට
‘මා පණ නසම්’යි කියා
බිය කර හුන් අය අවට
දැදුරු කොට සිත් සතන්
නැමූ යුක්තිය උනුන් ලවා
නුඹයි ඒ සුදරද. . .
උසාවියේ නඩු යට ගසා
නඩු කොළ ද පන්නා ලා
අබ්බගාත වූ
නඩුව අවනඩුව කොට
නිදොස් වරලත්
නුඹයි ඒ දෙව්ගැති. . .
පසදලන යුක්තිය කොහි ද?
මනුලොව නැති තැන
නුඹ දෙසූ ලෙස
‘දෙව් ලොව වත් වේද
එදා කී විමුක්තිය?’
No comments:
Post a Comment